Nah 3 | ABGk | STEP | ω πόλις αιμάτων όλη ψευδής αδικίας πλήρης ου ψηλαφηθήσεται θήρα

Nahum 3

CHAPTER 3 Iniquity of Nineveh

1 ω πόλις αιμάτων όλη ψευδής αδικίας πλήρης ου ψηλαφηθήσεται θήρα 2 φωνή μαστίγων και φωνή σεισμού τροχών και ίππου διώκοντος και άρματος αναβράσσοντος 3 ιππέως αναβαίνοντος και στιλβούσης ρομφαίας και εξαστραπτόντων όπλων και πλήθους τραυματιών και βαρείας πτώσεως και ουκ ην πέρας τοις έθνεσιν αυτής και ασθενήσουσιν εν τοις σώμασιν αυτών από πλήθους πορνείας 4 πόρνη καλή και επιχαρής ηγουμένη φαρμάκων η πωλούσα έθνη εν τη πορνεία αυτής και φυλάς εν τοις φαρμάκοις αυτής 5 ιδού εγώ επί σε λέγει κύριος παντοκράτωρ και αποκαλύψω τα οπίσω σου επί το πρόσωπον σου και δείξω έθνεσι την αισχύνην σου και βασιλείαις την ατιμίαν σου 6 και επιρρίψω επί σε βδελυγμόν κατά τας ακαθαρσίας σου και θήσομαί σε εις παράδειγμα 7 και έσται πας ο ορών σε καταβήσεται από σου και ερεί δειλαία Νινευϊ τις στεναξεί αυτήν πόθεν ζητήσω παράκλησιν αυτή 8 αρμόσαι χορδήν ετοιμάσαι μερίς Αμμών η κατοικούσα εν ποταμοίς ύδωρ κύκλω αυτής ης η άρχη θάλασσα και ύδωρ τα τείχη αυτής 9 Αιθιοπία ισχύς αυτής και Άιγυπτος και ουκ έστη πέρας της φυγής σου Φουδ και Λίβυες εγένοντο βοηθοί αυτής 10 και αυτή εις μετοικεσίαν πορεύσεται αιχμάλωτος και τα νήπια αυτής εδαφιούσιν επ΄ αρχάς πασών των οδών αυτής και επί πάντα τα ένδοξα αυτής βαλούσι κλήρους και πάντες οι μεγιστάνες αυτής δεθήσονται χειροπέδαις 11 και συ μεθυσθήση και έση παρεωραμένη και συ ζητήσεις σεαυτή στάσιν εξ εχθρών 12 πάντα τα οχυρώματά σου ως σου καρπούς έχουσα εάν σαλευθώσι πεσούνται εις στόμα έσθοντος 13 ιδού ο λαός σου ως γυναίκες εν σοι τοις εχθροίς σου ανοιγόμεναι ανοιχθήσονται πύλαι της γης σου καταφάγεται πυρ τους μοχλούς σου 14 ύδωρ περιοχής επίσπασαι σεαυτή κατακράτησον των οχυρωμάτων σου έμβηθι εις πηλόν και συμπατήθητι εν αχύροις κατακράτησον υπέρ πλίνθον 15 εκεί καταφάγεταί σε πυρ εξολοθρεύσει σε ρομφαία καταφάγεταί σε ως ακρίς και βαρυνθήση ως βρούχος 16 επλήθυνας τας εμπορίας σου υπέρ τα άστρα του ουρανού βρούχος ώρμησε και εξεπετάσθη 17 εξήλατο ως αττέλεβος ο συμμικτός σου ως ακρίς επιβεβηκυία επί φραγμόν εν ημέρα πάγους ο ήλιος ανέτειλε και αφ΄ήλατο και ουκ έγνω τον τόπον αυτής ουαί αυτοίς 18 ενύσταξαν οι ποιμένες σου βασιλεύς Ασσύριος εκοίμισε τους δυνάστας σου απήρεν ο λαός σου επί τα όρη και ουκ ην ο εκδεχόμενος 19 ουκ έστιν ίασις τη συντριβή σου εφλέγμανεν η πληγή σου πάντες οι ακούοντες την αγγελίαν σου κροτήσουσι χείρας επί σε διότι επί τίνα ουκ επήλθεν η κακία σου διαπαντός